Cael help i newid

Mae bod yn onest â chi'ch hun am eich ymddygiad yn galw am ddewrder, yn enwedig pan fyddwch chi'n meddwl eich bod yn croesi'r llinell. 

Eich cyfrifoldeb chi yw newid eich ymddygiad, ond does dim rhaid i chi wneud hynny ar eich pen eich hun. Mae cymorth cyfrinachol ar gael a all eich helpu i ddeall eich ymddygiad a sut i'w newid.

Cael cymorth proffesiynol

Os ydych chi’n gwneud i rywun deimlo’n ofnus neu os ydych chi’n poeni y gallech fod yn rheoli rhywun yn ormodol, mae gwasanaethau cymorth proffesiynol ar gael i’ch helpu chi, yn gyfrinachol, heb farnu.  

Mae Llinell Ffôn Respect yn wasanaeth ar gyfer pobl sy'n ymddwyn yn gamdriniol yn eu perthnasoedd, a gellir cysylltu drwy wasanaeth sgwrsio ar y we, e-bost neu linell gymorth gyfrinachol. Mae'n cefnogi pobl o bob rhywedd, mewn unrhyw fath o berthynas, yn unrhyw le yn y DU.

Llinell ffôn Respect: Rhadffôn 0808 802 4040

E-bost: [email protected]

Gwefan Respect

Gwasanaethau cymorth eraill

Prosiect Ymyriadau Cam-drin Domestig (gwasanaethau dynion)

Mae DVIP yn cynnig gwahanol fathau o gymorth i ddynion sydd eisiau newid ymddygiad niweidiol mewn perthynas. Gallant eich helpu i ddeall effaith eich gweithredoedd a sut i ddechrau gwneud newidiadau cadarnhaol.

Ewch i'r wefan

Rhaglen Newid Ymddygiad Dynion TLC

Mae TLC (Talk, Listen, Change) yn darparu rhaglenni i ddynion sy'n poeni am eu hymddygiad ac sydd eisiau ei newid. Maen nhw'n cynnig arweiniad, offer a chymorth i helpu i feithrin perthnasoedd parchus.

Ewch i'r wefan

StopSO yn y Deyrnas Unedig

Mae StopSO yn y Deyrnas Unedig yn cynnig cymorth arbenigol i bobl sy'n poeni am eu hymddygiad rhywiol neu eu meddyliau rhywiol pryderus. Maen nhw'n darparu canllawiau, therapi ac adnoddau cyfrinachol i helpu i atal niwed a meithrin ymddygiad iachach.

Ewch i'w gwefan

Ddim yn siŵr at bwy i droi?

Os nad ydych chi’n siŵr â phwy i siarad am newid eich ymddygiad, gallwch hefyd gysylltu â’ch cyngor lleol a ddylai allu eich cyfeirio at wasanaeth lleol priodol. Bydd rhai adnoddau hefyd ar wefan eich cyngor lleol, fel gwybodaeth am wasanaethau a chyngor.

Dod o hyd i’ch cyngor lleol.