Poeni am eich ymddygiad?

Nid yw byth yn hawdd cyfaddef pan rydym wedi croesi llinell neu wedi mynd y tu hwnt i'r marc. Ond os gallwch chi feddwl am sefyllfa lle mae eich ymddygiad wedi cynhyrfu, codi embaras, brifo, rheoli neu orfodi rhywun – boed yn rhywun rydych chi’n ei adnabod neu’n ddieithryn – byddwch yn onest â chi’ch hun. Dyma’r cam cyntaf i wneud newid er gwell.

Nid yn unig yr ydym yn sôn am weithredoedd o drais difrifol yn fwriadol. Mae sawl ffurf ar gam-drin – geiriol, emosiynol, rhywiol a chorfforol. Nid yw rhai pobl yn cydnabod yr effaith y gall yr ymddygiad hwn ei gael ar y person sy'n ei brofi. Neu y gallai llawer o'r ymddygiadau hyn fod yn droseddol.

Can you spot what crosses the line?
Can you spot what crosses the line?

Allwch chi ddweud beth sy’n croesi’r llinell?

Rydyn ni i gyd yn meddwl ein bod ni'n gwybod pan fydd rhywbeth wedi mynd yn rhy bell. Ond dydy hi ddim bob amser yn hawdd gwybod ble mae’r llinell. Gall rhai mathau o ymddygiad ymddangos yn ddiniwed nes i chi edrych yn agosach.

Rhowch gynnig ar y cwis i weld pa mor dda ydych chi am wybod beth sy'n croesi'r llinell.

Rhowch gynnig ar y cwis

Ydych chi erioed wedi...

Efallai eich bod chi’n meddwl na fyddech chi byth yn croesi’r llinell, ond gall rhai pethau bob dydd – sylw bach, ychydig o bryfocio neu dynnu coes, teimlo'n genfigennus – fynd yn rhy bell heb i chi sylweddoli.

Tarwch olwg. Efallai y cewch eich synnu gan yr hyn sy'n cyfrif fel croesi'r llinell.

Ydych chi erioed wedi...

  • Gwneud sylwadau neu jôcs rhywiol am fenyw i'ch ffrindiau?
  • Gwneud sylwadau awgrymog i fenyw pan nad oedd hi eisiau hynny?
  • Wedi edrych ble’r oedd rhywun drwy ei ffôn neu drwy ap?
  • Wedi gwneud sylwadau am sut mae menyw yn edrych yn y gwaith?
  • Rhannu post, meme neu fideo sy'n bychanu menywod?  

Pan oeddech chi’n gweld rhywun, wnaethoch chi erioed un o’r pethau hyn...

  • Colli eich tymer gyda hi?  
  • Anfon neges ati dro ar ôl tro, heb ddim ymateb?  
  • Rhannu llun personol iawn ohoni gyda'ch ffrindiau?  
  • Defnyddio dicter neu genfigen neu wneud iddi deimlo’n euog er mwyn cael eich ffordd eich hun?
  • Ceisio ei pherswadio i gael rhyw ar ôl iddi ddweud na? 

Byddwch yn onest. Ydych chi erioed wedi meddwl...

  • “Oeddwn i’n rhy awyddus i bethau ddatblygu ac yn rhoi gormod o bwysau?”  
  • “Oeddwn i’n ei rheoli’n ormodol?”  
  • “Os wnes i weiddi, ydy hynny'n cyfrif fel cam-drin?”  
  • “Dywedodd fy mod i'n codi ofn arni – ydy hynny’n gam-drin?”  
  • “Dim ond unwaith wnaeth o ddigwydd – ydy hynny’n golygu fy mod i’n gamdriniol?”
man talking to a friend
man talking to a friend

Swnio’n gyfarwydd?

Hyd yn oed os nad ydych chi wedi gwneud hyn yn fwriadol, dydy ymddygiad fel yma byth yn iawn.

Yr hyn sy'n bwysig yw eich bod yn ei gydnabod ac yn gwneud rhywbeth yn ei gylch. 

Os yw hyn yn swnio'n gyfarwydd, gallwch newid sut byddwch chi'n ymddwyn y tro nesaf.

Dod o hyd i ffyrdd o newid

Swnio fel rhywun rydych yn ei adnabod?

Gallwch chi eu helpu i weld nad yw eu hymddygiad yn iawn. P'un ai trwy ddewis peidio â chwerthin neu ymuno, neu ei amlygu os gwelwch ymddygiad camdriniol neu eu bod yn trin menyw yn amharchus.

Sut y gallwch chi helpu