Cynllun geiriau cod yw Gofyn am ANI (Angen Noddfa Iach) ac mae’n cynnig ffordd ddiogel, gynnil a chyfrinachol i bobl sy’n dioddef camdriniaeth ddomestig gael help ar unwaith gan eu fferyllfa neu eu canolfan waith leol.
Mae Gofyn am ANI yn cael ei ddarparu mewn partneriaeth â Llefydd Lloches, sef stafell ddiogel a chyfrinachol lle gall dioddefwyr gymryd amser i feddwl, cael gafael ar wybodaeth am wasanaethau cymorth arbenigol neu ffonio ffrindiau neu’r teulu. Mae Llefydd Lloches ar gael ym mhobman lle mae Gofyn am ANI yn cael ei gynnig.
Defnyddiwch ein chwiliwr codau post isod i ffeindio’ch fferyllfa neu'ch canolfan waith agosaf sy'n cymryd rhan.
Ewch yno, ewch at aelod o’r staff a Gofyn am ANI (‘Ga i siarad ag ANI?’) neu gofynnwch am gael defnyddio Lle Lloches (‘Oes Lle Lloches ar gael gennych chi?’).
Byddan nhw’n mynd â chi i le preifat lle bydd aelod o staff sydd wedi’i hyfforddi yn eich cefnogi, ac fe gewch chi benderfynu beth i'w wneud nesaf.
*Mae pob lleoliad sy’n dangos symbol llaw ANI yn cynnig Gofyn am ANI a Llefydd Lloches. Mae rhagor o wybodaeth ar gael ar ein tudalen Cael Cymorth ynghylch mudiadau sy’n rhoi cymorth ar gyfer pob math o gam-drin.
