Riportio Camdriniaeth

Os ydych chi wedi cael eich cam-drin neu wedi bod yn dyst i hynny, mae gennych chi bob hawl i roi gwybod am y peth, ac os ydych chi neu unrhyw un arall mewn perygl dybryd, ffoniwch 999. 

Nid riportio camdriniaeth i’r heddlu yw eich unig opsiwn. Mae pobl eraill y gallwch roi gwybod iddynt am gamdriniaeth, yn dibynnu ar ble a phryd y digwyddodd hynny. 

Camdriniaeth mewn man cyhoeddus

  • Os ydych chi ar drafnidiaeth gyhoeddus, gallwch ddweud wrth y gyrrwr neu swyddog arall. Os ydych chi'n teithio ar drên, gallwch hefyd roi gwybod i'r Heddlu Trafnidiaeth Prydeinig drwy anfon neges destun i 61016 neu roi gwybod am y peth ar ap Railway Guardian neu roi gwybod ar-lein.
  • Os ydych chi mewn bar neu glwb, er enghraifft, gallwch roi gwybod i rywun sydd ar ddyletswydd, fel staff y bar, staff diogelwch neu reolwr.

Cam-drin yn y gwaith neu yn yr ysgol

  • Os ydych chi'n cael eich cam-drin yn y gwaith neu'n gweld hynny'n digwydd, rhowch wybod i'ch adran Adnoddau Dynol neu siaradwch â'ch rheolwr llinell.
  • Os yw'n digwydd yn yr ysgol neu mewn lleoliad addysg arall, gallwch roi gwybod i athro neu aelod o staff.

Cam-drin ar-lein

  • Os byddwch chi'n gweld cynnwys amhriodol ar-lein neu os bydd rhywun yn rhannu delweddau personol ohonoch chi ar-lein heb eich caniatâd, gallwch gysylltu â darparwr y gwasanaeth neu ddefnyddio'r botwm riportio ar ffrydiau cyfryngau cymdeithasol.

Cam-drin Domestig

Trais a cham-drin rhywiol

Rhoi gwybod am stelcio

  • Os ydych chi wedi cael eich stelcio neu os ydych chi'n poeni am rywun a allai fod yn dioddef hynny, gallwch gael cymorth a chyngor cyfrinachol am ddim 24 awr y dydd.
  • Gallwch hefyd gysylltu â'r Llinell Gymorth Genedlaethol ar gyfer Stelcio i gael cyngor a chefnogaeth gyfrinachol. 

Rhoi gwybod am gam-drin yn ddienw

  • Os ydych am roi gwybod am gam-drin heb roi eich enw, gallwch gysylltu â Crimestoppers. Byddant yn rhoi’r manylion i'r heddlu heb ddatgelu pwy ydych chi. 

Roi gwybod am gam-drin – cwestiynau cyffredin

Mae'n normal cael cwestiynau neu bryderon am roi gwybod am gam-drin, yn enwedig os nad ydych chi erioed wedi gwneud hynny o'r blaen. Dyma rai o'r cwestiynau mwyaf cyffredin y mae pobl yn eu gofyn. 

  • Gallwch. Gallwch roi gwybod i'ch heddlu lleol ar-lein. Gallwch hefyd gysylltu â gwasanaethau fel Report Harmful Content neu’r Revenge Porn Helpline, lle gallwch roi gwybod am bethau fel aflonyddu ar-lein neu gam-drin gan ddefnyddio delweddau personol iawn.

  • Gallwch. Os ydych chi'n poeni bod rhywun rydych chi'n ei adnabod yn cael ei gam-drin, gallwch roi gwybod i'r heddlu neu siarad â sefydliad cymorth yn gyntaf i gael cyngor ar sut i helpu mewn ffordd ddiogel.

  • Os nad yw rhywbeth yn teimlo'n iawn, mae'n iawn siarad â rhywun amdano. Neu os nad ydych chi'n siŵr a yw'n gam-drin, mae'r dudalen Beth yw camdriniaeth? yn cynnwys enghreifftiau a allai eich helpu i adnabod gwahanol fathau o ymddygiad.

  • Mae'r heddlu a gwasanaethau eraill wedi'u hyfforddi i wrando a chymryd eich pryderon o ddifrif, hyd yn oed os nad oes gennych chi negeseuon, lluniau na thystion. Os oes gennych chi dystiolaeth, cadwch hi'n ddiogel – ond peidiwch â gadael i'r hyn rydych chi'n meddwl sy'n ddiffyg prawf eich atal rhag cael help.

  • Mae'n gwbl ddealladwy teimlo felly, ond mae gennych chi hawl i gael eich cymryd o ddifrif. Mae'r heddlu a'r sefydliadau cymorth wedi cael eu hyfforddi i wrando ac i'ch helpu i gael y cymorth iawn. 

Cael cymorth

Os nad ydych chi’n teimlo'n barod, neu os nad ydych chi eisiau riportio’r peth, ond eich bod chi’n teimlo fel siarad â rhywun a chael cyngor am eich profiad, gallwch gael cymorth gan amrywiaeth o sefydliadau arbenigol.

Cael y gefnogaeth sydd ei hangen arnoch