Sut i gael cymorth

Mae llawer o resymau nad yw pobl yn codi llais nac yn ceisio cymorth pan fyddant yn profi cam-drin. Ofn. Cywilydd. Dryswch. Yn poeni na fyddant yn cael eu credu na'u cymryd o ddifrif. Bod yn ansicr pa gymorth sydd ar gael a sut y gallai hyn eu helpu. Eisiau anghofio iddo ddigwydd erioed.

Y drafferth yw, mae ceisio ymdopi â phethau ar eich hunan yn gallu bod yn anodd iawn. Felly meddyliwch wrth bwy allech chi ddweud. Boed yn ffrind, yn aelod o’r teulu neu’n weithiwr proffesiynol, gallant eich helpu drwyddo.

Pam y gall siarad helpu

Gall dweud wrth rywun am eich profiad eich helpu i ddelio â’r cam-drin a chael cymorth ychwanegol os bydd ei angen arnoch. Gall hynny fod yn gymorth emosiynol, cymorth ymarferol, cyngor iechyd a/neu gymorth cyfreithiol.

Does dim pwysau arnoch chi i wneud hyn, a dim person cywir nac anghywir i ddweud wrthynt. Efallai y byddwch chi'n dechrau gyda ffrindiau neu deulu neu rywun yn eich cymuned rydych chi'n ymddiried ynddo.

Pan fyddwch yn barod, a dim ond os dymunwch, efallai y byddwch yn dewis siarad â sefydliad cymorth arbenigol.

Pam y gall siarad helpu

Pan fyddwch yn barod, a dim ond os dymunwch, efallai y byddwch yn dewis siarad â sefydliad cymorth arbenigol.

Pam y gall siarad helpu

Pan fyddwch yn barod, a dim ond os dymunwch, efallai y byddwch yn dewis siarad â sefydliad cymorth arbenigol.

Am ei riportio?

Efallai y byddwch hefyd yn dewis riportio’r hyn a ddigwyddodd i chi mewn ffordd fwy ffurfiol, boed yn y gwaith, prifysgol neu ysgol, neu drwy fynd at yr heddlu.

Cofiwch, mewn argyfwng ffoniwch 999.

Os nad yw’n ddiogel i siarad, gallwch wedyn wasgu 55 a byddwch yn cael eich trosglwyddo i driniwr galwadau heddlu sydd wedi’i hyfforddi i ddelio â ‘galwadau distaw’.

Sut i riportio cam-drin

Canolfannau Atgyfeirio Ymosodiadau Rhywiol (SARCs)

Mae canolfannau atgyfeirio ymosodiadau rhywiol (SARCs) yn cynnig cymorth meddygol, ymarferol ac emosiynol 24 awr y dydd, 7 diwrnod yr wythnos i unrhyw un sydd wedi cael ei dreisio neu ei gam-drin neu wedi dioddef ymosodiad rhywiol. Mae’r Canolfannau hyn wedi'u lleoli ledled y wlad ac maent yma i bawb, pryd bynnag mae rhywbeth wedi digwydd. Gallwch gael help gan SARC os ydych chi'n rhoi gwybod i’r heddlu beth sydd wedi digwydd ai peidio.

Dod o hyd i'ch canolfan leol

Cam-drin plant yn rhywiol

Os ydych chi'n poeni fod plentyn yn cael ei gam-drin yn rhywiol neu fod hynny wedi digwydd yn ddiweddar, mae gwybodaeth a chymorth ar gael yma.

Os cawsoch chi eich cam-drin pan oeddech chi'n blentyn, dydy hi byth yn rhy hwyr i gael cymorth. Ewch i wefan y Gymdeithas Genedlaethol ar gyfer Pobl sydd wedi cael eu Cam-drin yn Blant.

Ewch i'w gwefan

Sefydliadau cymorth arbenigol

Mae sefydliadau cymorth arbenigol yn bodoli i helpu'r rhai sydd wedi profi cam-drin. Gallant wrando, eich arwain a'ch cefnogi gyda beth bynnag sydd ei angen arnoch ac mae llawer ohonynt yn gyfrinachol.

Os nad ydych yn siŵr â phwy i siarad, defnyddiwch yr hidlydd hwn i ddod o hyd i'r cymorth cywir i chi.