ویب سائٹ کا خاطر خواہ خلاصہ

کسی کو بھی بدسلوکی کے خوف کی حالت میں زندگی نہیں گزارنا چاہیے۔

آئیے ہم سب تبدیلی کا حصہ بنیں۔

عورتوں اور لڑکیوں کو محفوظ رکھنے کے لیے ہر کوئی کچھ کر سکتا ہے۔

عورتیں اور لڑکیاں بدسلوکی اور ہراسانی سے غیر متناسب طور پر متاثر ہوتی ہیں۔

یہ صفحہ آپ کو دکھاتا ہے کہ آپ اس مسئلہ سے نمٹنے میں کس طرح مدد کر سکتے ہیں اور اسی طرح اس کے شکار افراد کے لیے کس طرح معلومات اور مدد فراہم کر سکتے ہیں۔

اگر آپ کے ساتھ بدسلوکی کی گئی ہے تو ایسی تنظیمیں ہیں جو آپ کا تعاون کر سکتی ہیں۔ یہ جذباتی تعاون، عملی مدد، طبی صلاح یا قانونی تعاون بھی ہو سکتا ہے۔

کچھ لوگ جن کے ساتھ بدسلوکی کی گئی ہے وہ خوف، ندامت یا کشمکش محسوس کر سکتے ہیں۔

کچھ لوگ فکرمند ہو سکتے ہیں کہ ان پر یقین نہیں کیا جائے گا یا انہیں یہ فکر ہو سکتی ہے کہ دوسرے لوگ کیا سوچیں گے۔

کچھ لوگ اپنی کمیونٹی میں کسی پر الزام لگانے سے خوفزدہ ہو سکتے ہیں اور اس بارے میں فکرمند ہو سکتے ہیں کہ انہیں یا ان کے خاندانوں کے ساتھ کیا ہو سکتا ہے۔

جو کچھ بھی ہوا ہو، ایسے لوگ اور تنظیمیں ہیں جو آپ کی مدد کرنا چاہتی ہیں۔

آپ کو اس سے تنہا نہیں نمٹنا چاہیے۔ کسی کو بتانا بہتر ہے۔

یہ کوئی دوست، خاندان کا فرد یا آپ کی کمیونیٹی میں کوئی ایسا شخص ہو سکتا ہے جس پر آپ کو بھروسہ ہو، یا یہ کوئی با اختیار شخص، جیسے پولیس افسر یا ڈاکٹر، بھی ہو سکتا ہے۔

اِس صفحہ پر درج تنظیمیں آپ کی زبان میں مدد فراہم کرتی ہیں۔

اگر آپ گھریلو بدسلوکی کا سامنا کر رہے ہیں اور آپ کو فوری مدد کی ضرورت ہے تو آپ شرکت کرنے والی فارمیسی میں ‘اے این آئی طلب کریں’ کے بارے میں معلوم کر سکتے ہیں۔

اگر کسی فارمیسی میں ڈسپلے پر ‘اے این آئی طلب کریں’ لوگو ہے تو اس کا مطلب ہے کہ وہ مدد کرنے کے لیے تیار ہیں۔ وہ آپ کو ایک سیف اسپیس (Safe Space) کی پیش کش کریں گے، ایک فون فراہم کریں گے اور پوچھیں گے کہ آیا آپ کو پولیس یا دیگر گھریلو بدسلوکی سے متعلق معاونتی خدمات کی طرف سے تعاون کی ضرورت ہے۔

آپ کی امیگریشن کی حیثیت سے قطع نظر، پہلے آپ کے ساتھ ایک شکار فرد کے طور پر سلوک کیا جائے گا۔

اگر آپ کے پاس اسپاؤزل یا پارٹنر ویزا ہے اور آپ کو کوئی ایسا رشتہ چھوڑنے کی ضرورت ہے جس میں آپ کے ساتھ بدسلوکی کی جا رہی ہے تو آپ تین ماہ تک رہنے کی غرض سے عارضی اجازت کے لیے درخواست دے سکتے ہیں، جسے آپ یوکے میں صحت نگہداشت، سوشل ہاؤسنگ اور منافع تک رسائی حاصل کرنے کے لیے استعمال کر سکتے ہیں۔ اسے ڈیسٹیٹیوشن ڈومیسٹک وائلینس کنسیشن کہا جاتا ہے۔ آپ گھریلو تشدد سے متعلق غیر معینہ مدت تک رہنے کی اجازت کے اصولوں کے تحت مستقل ویزا کے لیے بھی درخواست دے سکتے ہیں۔ 

اگر آپ ڈیسٹیٹیوشن ڈومیسٹک وائلینس کنسیشن کے لیے اہل نہیں ہیں، تو آپ سپورٹ فار مائیگرینٹس ویکٹمز اسکیم تک رسائی حاصل کر سکتے ہیں۔ یہ اسکیم شکار تارکینِ وطن کے لیے آزاد خصوصی گھریلو بدسلوکی کی خدمات کے ذریعہ چلائی جاتی ہے اور یہ عارضی رہائش گاہ، کھانا، صلاح و مشورہ، قانونی مدد اور امیگریشن اور سماجی نگہداشت سے متعلق صلاح دیتی ہے۔ یہ ان زبانوں میں مدد فراہم کرتی ہے: انگریزی، ہندی، پنجابی، گجراتی، بنگالی، اور اردو، اور دیگر زبانوں کے لیے انٹرپرٹر یا مترجم کی خدمات حاصل کی جا سکتی ہیں۔

یہاں معلوم کریں کہ آپ کی مقامی سپورٹ مائیگرینٹس ویکٹمز اسکیم کہاں ہے: https://southallblacksisters.org.uk/support-for-migrant-victims-scheme-smv-scheme/

اگر آپ یا کوئی دیگر شخص خطرے میں ہے تو 999 پر کال کریں۔

جب کوئی ہنگامی صورت حال نہ ہو تو آپ 101 پر فون کرتے ہوئے پولیس کو بھی بدسلوکی کی اطلاع دے سکتے ہیں۔

آپ ذاتی طور پر اپنے مقامی پولیس اسٹیشن بھی جا سکتے ہیں یا آن لائن پورٹل کے ذریعہ Police.uk پر اس کی اطلاع دے سکتے ہیں۔

اگر آپ کسی ایسی صورت حال کے بارے میں سوچ سکتے ہیں جس میں آپ کے رویہ نے کسی کو تکلیف دی ہو، کسی پر گرفت رکھا ہو یا کسی پر جبر کیا ہو تو اپنے ساتھ ایمانداری سے کام لیں۔ بہتری کی خاطر تبدیلی لانے کے لیے یہ پہلا قدم ہے۔

مثال کے طور پر، کیا آپ نے کبھی:

• کسی عورت کے بارے میں اپنے دوستوں کے سامنے جنسی تبصرے کیے ہیں، خواہ اس کے سامنے، یا اس کے پیٹھ پیچھے؟
• کسی عورت کے بارے میں اس وقت اشاراتی تبصرے کیے ہیں جب وہ واضح طور پر غیر مطلوب تھے؟
• پیچھا کیا یا پتہ لگایا ہے کہ کوئی کہاں جا رہا ہے؟
• جنسی عمل کے لیے کسی عورت (بشمول اپنی پارٹنر) پر دباؤ ڈالا ہے؟
• مقام کار پر کسی عورت کو اپنے ساتھ تنہا رہنے پر بے چین، پریشان یا خوف کا احساس دلایا ہے؟
• اپنی پارٹنر کی جانکاری کے بغیر اس کی قربت کی تصویر شیئر کی یا دکھائی ہے؟
• بار بار اپنی پارٹنر سے کہا ہے کہ آپ نہیں چاہتے کہ وہ اپنے دوستوں کے ساتھ باہر جائے، یا اسے بتایا کہ اسے کیا پہننا چاہیے یا کیا نہیں پہننا چاہیے؟
• اپنی/اپنے پارٹنر کو آپ سے خوفزدہ دیکھا ہے؟

بدسلوکی پر مبنی رویہ کا اعتراف کرنا مشکل ہو سکتا ہے۔

یہ تسلیم کر کے کہ یہ رویہ غلط ہے، آپ ذمہ داری قبول کر رہے ہیں اور تبدیلی لانے کا انتخاب کر رہے ہیں۔

آپ کیسے تبدیلی لا سکتے ہیں؟

• عورتوں اور لڑکیوں کے ساتھ ہمیشہ اپنے مساوی برتاؤ کریں، نہ کہ ان لوگوں کی طرح جن پر گرفت رکھی جانی ہے۔
• سمجھیں کہ کچھ چیزوں کو قدر کی نگاہ سے نہیں دیکھا جاتا ہے۔ مثال کے طور پر، سڑکوں پر عورتوں اور لڑکیوں کے بارے میں واضح جنسی تبصرے کرنا۔ آپ کو شاید یہ غلط نہ لگے، لیکن یہ دھمکی آمیز اور خوفناک ہو سکتا ہے۔
• عورتوں اور لڑکیوں کو سڑک پر، یا ٹرین یا بس میں خود سے رہنے دیں۔ عورتیں اکثر عوامی جگہوں میں مسلسل چوکنا رہتی ہیں، اس لیے اس سے انہیں محفوظ تر محسوس کرنے میں مدد مل سکتی ہے۔
• یہ نہ سمجھیں کہ آپ جنسی عمل کے حقدار ہیں - آپ نہیں ہیں۔ رضامندی کے بغیر جنسی عمل کرنا جنسی حملہ یا عصمت دری ہے۔ رضامندی صرف واضح اور پرجوش 'ہاں' کے ساتھ دی جا سکتی ہے۔ کوئی بھی اور چیز – بشمول خاموشی – 'نہیں' ہے جس کا احترام کیا جانا چاہیے۔
• یہ نہ سوچیں کہ پورنوگرافی (فحاشی) کی طرح جنسی عمل ہونا چاہیے۔ جس طرح فلمیں حقیقی زندگی نہیں ہوتیں، اسی طرح پورنوگرافی حقیقی جنسی عمل نہیں ہے۔ یہ باہمی رضامندی یا مواصلات کے بغیر عورتوں کے ساتھ اکثر نقصان دہ رویہ کو ظاہر کرتی ہے۔

کسی اور کے رویے کے بارے میں فکرمند ہیں؟

ہجوم کے خلاف جانا مشکل لگ سکتا ہے، لیکن ایسا کرنا صحیح ہے۔ اس بارے میں قیادت کرنے اور آواز اٹھانے کے لیے ایک شخص کی ضرورت ہوتی ہے۔ وہی شخص بنیں۔

اگر آپ کے بچے ہیں

گھریلو بدسلوکی بچوں اور کمسن لوگوں پر تباہ کن اثر ڈال سکتی ہے۔

ڈومیسٹک ابیوز ایکٹ (گھریلو بدسلوکی کا قانون) وہاں بچوں کو اپنے طور پر گھریلو بدسلوکی کے شکار کے طور پر تسلیم کرتا ہے جہاں وہ بدسلوکی کے اثرات کو دیکھتے، سنتے یا ان کا سامنا کرتے ہیں اور شکار شخص اور/یا بدسلوکی کرنے والے شخص سے تعلق رکھتے ہیں۔

اپنے بچوں کو سکھائیں کہ وہ ایک دوسرے کا احترام کریں، نقصان دہ رویوں کے خلاف کھڑے ہوں اور رضامندی کی اہمیت کی وضاحت کریں۔

آپ ایک بہتر دنیا میں پروان چڑھنے میں ان کی مدد کرنے کے لیے اپنا کردار ادا کر سکتے ہیں۔