ਲੋੜੀਂਦਾ ਵੈੱਬਸਾਈਟ ਸਾਰ

ਕਿਸੇ ਨੂੰ ਵੀ ਦੁਰਵਿਹਾਰ ਦੇ ਡਰ ਵਿੱਚ ਨਹੀਂ ਜਿਉਣਾ ਚਾਹੀਦਾ।

ਆਓ ਸਾਰੇ ਇਸ ਤਬਦੀਲੀ ਦਾ ਹਿੱਸਾ ਬਣੀਏ।

ਔਰਤਾਂ ਅਤੇ ਲੜਕੀਆਂ ਨੂੰ ਸੁਰੱਖਿਅਤ ਰੱਖਣ ਲਈ ਹਰ ਕੋਈ ਕੁਝ ਕਰ ਸਕਦਾ ਹੈ।

ਔਰਤਾਂ ਅਤੇ ਲੜਕੀਆਂ ਦੁਰਵਿਹਾਰ ਅਤੇ ਉਤਪੀੜਨ ਤੋਂ ਗੈਰ-ਅਨੂਪਾਤਕ ਢੰਗ ਨਾਲ ਪ੍ਰਭਾਵਿਤ ਹੁੰਦੀਆਂ ਹਨ।

ਇਹ ਪੰਨਾ ਤੁਹਾਨੂੰ ਦਿਖਾਉਂਦਾ ਹੈ ਕਿ ਤੁਸੀਂ ਇਸ ਮੁੱਦੇ ਨਾਲ ਨਜਿੱਠਣ ਵਿੱਚ ਕਿਵੇਂ ਮਦਦ ਕਰ ਸਕਦੇ ਹੋ, ਨਾਲ ਹੀ ਪੀੜਤਾਂ ਲਈ ਜਾਣਕਾਰੀ ਅਤੇ ਸਹਾਇਤਾ ਪ੍ਰਦਾਨ ਕਰਦਾ ਹੈ।

ਜੇਕਰ ਤੁਹਾਡੇ ਨਾਲ ਦੁਰਵਿਹਾਰ ਕੀਤਾ ਗਿਆ ਹੈ, ਤਾਂ ਅਜਿਹੀਆਂ ਸੰਸਥਾਵਾਂ ਹਨ ਜੋ ਤੁਹਾਡੀ ਸਹਾਇਤਾ ਕਰ ਸਕਦੀਆਂ ਹਨ। ਇਹ ਭਾਵਨਾਤਮਕ ਸਹਾਇਤਾ, ਵਿਹਾਰਕ ਮਦਦ, ਸਿਹਤ ਸੰਬੰਧੀ ਸਲਾਹ ਜਾਂ ਕਾਨੂੰਨੀ ਸਹਾਇਤਾ ਹੋ ਸਕਦੀ ਹੈ।

ਕੁਝ ਲੋਕ ਜਿਨ੍ਹਾਂ ਨਾਲ ਦੁਰਵਿਹਾਰ ਕੀਤਾ ਗਿਆ ਹੈ ਉਹ ਡਰ, ਸ਼ਰਮ ਜਾਂ ਉਲਝਣ ਵਿੱਚ ਮਹਿਸੂਸ ਕਰ ਸਕਦੇ ਹਨ।

ਕੁਝ ਨੂੰ ਚਿੰਤਾ ਹੋ ਸਕਦੀ ਹੈ ਕਿ ਉਹਨਾਂ ਦੀ ਗੱਲ 'ਤੇ ਵਿਸ਼ਵਾਸ ਨਹੀਂ ਕੀਤਾ ਜਾਵੇਗਾ ਜਾਂ ਚਿੰਤਾ ਹੋ ਸਕਦੀ ਹੈ ਕਿ ਦੂਜੇ ਲੋਕ ਕੀ ਸੋਚਣਗੇ।

ਹੋ ਸਕਦਾ ਹੈ ਕਿ ਕੁਝ ਲੋਕ ਆਪਣੇ ਭਾਈਚਾਰੇ ਵਿੱਚ ਕਿਸੇ 'ਤੇ ਦੋਸ਼ ਲਗਾਉਣ ਤੋਂ ਡਰਦੇ ਹੋਣ ਅਤੇ ਉਹ ਇਸ ਬਾਰੇ ਚਿੰਤਤ ਹੋਣ ਕਿ ਉਹਨਾਂ ਜਾਂ ਉਹਨਾਂ ਦੇ ਪਰਿਵਾਰਾਂ ਨਾਲ ਕੀ ਹੋ ਸਕਦਾ ਹੈ।

ਜੋ ਵੀ ਹੋਇਆ ਹੈ, ਅਜਿਹੇ ਲੋਕ ਅਤੇ ਸੰਸਥਾਵਾਂ ਹਨ ਜੋ ਤੁਹਾਡੀ ਮਦਦ ਕਰਨਾ ਚਾਹੁੰਦੇ ਹਨ।

ਤੁਹਾਨੂੰ ਇਕੱਲਿਆਂ ਸਾਹਮਣਾ ਕਰਨ ਦੀ ਲੋੜ ਨਹੀਂ ਹੈ। ਕਿਸੇ ਨੂੰ ਦੱਸਣਾ ਬਿਹਤਰ ਹੁੰਦਾ ਹੈ।

ਇਹ ਕੋਈ ਦੋਸਤ, ਪਰਿਵਾਰਕ ਮੈਂਬਰ ਜਾਂ ਕੋਈ ਅਜਿਹਾ ਵਿਅਕਤੀ ਹੋ ਸਕਦਾ ਹੈ ਜਿਸ 'ਤੇ ਤੁਸੀਂ ਆਪਣੇ ਭਾਈਚਾਰੇ ਵਿੱਚ ਭਰੋਸਾ ਕਰਦੇ ਹੋ, ਜਾਂ ਕੋਈ ਅਧਿਕਾਰੀ ਹੋ ਸਕਦਾ ਹੈ, ਜਿਵੇਂ ਕਿ ਪੁਲਿਸ ਅਧਿਕਾਰੀ ਜਾਂ ਡਾਕਟਰ। 

ਇਸ ਸਫ਼ੇ ਤੇ ਦੱਸੀਆਂ ਸੰਸਥਾਵਾਂ ਤੁਹਾਡੀ ਬੋਲੀ ਵਿਚ ਵੀ ਮਦਦ ਦਿੰਦੀਆਂ ਹਨ

ਜੇਕਰ ਤੁਹਾਡੇ ਨਾਲ ਘਰੇਲੂ ਦੁਰਵਿਹਾਰ ਹੋ ਰਿਹਾ ਹੈ ਅਤੇ ਤੁਹਾਨੂੰ ਤੁਰੰਤ ਮਦਦ ਦੀ ਲੋੜ ਹੈ, ਤਾਂ ਤੁਸੀਂ ਭਾਗ ਲੈਣ ਵਾਲੀ ਫਾਰਮੇਸੀ ਵਿੱਚ ‘ਏ ਐਨ ਆਈ ਦੀ ਮੰਗ ਕਰੋ’ ਲਈ ਕਹਿ ਸਕਦੇ ਹੋ। 

ਜੇਕਰ ਕਿਸੇ ਫਾਰਮੇਸੀ ਵਿੱਚ ਡਿਸਪਲੇ 'ਤੇ 'ਏ ਐਨ ਆਈ ਦੀ ਮੰਗ ਕਰੋ' ਲੋਗੋ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਉਹ ਮਦਦ ਕਰਨ ਲਈ ਤਿਆਰ ਹਨ। ਉਹ ਤੁਹਾਨੂੰ ਇੱਕ ਸੇਫ਼ ਸਪੇਸ (Safe Space) ਦੀ ਪੇਸ਼ਕਸ਼ ਕਰਨਗੇ, ਇੱਕ ਫੋਨ ਪ੍ਰਦਾਨ ਕਰਨਗੇ ਅਤੇ ਪੁੱਛਣਗੇ ਕਿ ਕੀ ਤੁਹਾਨੂੰ ਪੁਲਿਸ ਜਾਂ ਹੋਰ ਘਰੇਲੂ ਦੁਰਵਿਹਾਰ ਸਹਾਇਤਾ ਸੇਵਾਵਾਂ ਤੋਂ ਸਹਾਇਤਾ ਚਾਹੀਦੀ ਹੈ। 

ਤੁਹਾਡੀ ਇਮੀਗ੍ਰੇਸ਼ਨ ਸਥਿਤੀ ਦੀ ਪਰਵਾਹ ਕੀਤੇ ਬਿਨਾਂ, ਤੁਹਾਡੇ ਨਾਲ ਪਹਿਲਾਂ ਇੱਕ ਪੀੜਤ ਵਜੋਂ ਵਿਹਾਰ ਕਿੱਤਾ ਜਾਵੇਗਾ।

ਜੇ ਤੁਹਾਡੇ ਕੋਲ ਪਤੀ-ਪਤਨੀ ਜਾਂ ਪਾਰਟਨਰ ਵੀਜ਼ਾ ਹੈ ਅਤੇ ਤੁਹਾਨੂੰ ਉਸ ਰਿਸ਼ਤੇ ਨੂੰ ਛੱਡਣ ਦੀ ਲੋੜ ਹੈ ਜਿਸ ਵਿੱਚ ਤੁਹਾਡੇ ਨਾਲ ਦੁਰਵਿਹਾਰ ਕੀਤਾ ਜਾ ਰਿਹਾ ਹੈ, ਤਾਂ ਸ਼ਾਇਦ ਤੁਸੀਂ ਤਿੰਨ ਮਹੀਨਿਆਂ ਲਈ ਰਹਿਣ ਦੀ ਅਸਥਾਈ ਇਜਾਜ਼ਤ ਲਈ ਅਰਜ਼ੀ ਦੇ ਸਕਦੇ ਹੋ, ਜਿਸ ਨੂੰ ਤੁਸੀਂ ਯੂਕੇ ਵਿੱਚ ਸਿਹਤ ਸੰਭਾਲ, ਸਮਾਜਿਕ ਰਿਹਾਇਸ਼ ਅਤੇ ਲਾਭਾਂ ਤੱਕ ਪਹੁੰਚ ਕਰਨ ਲਈ ਵਰਤ ਸਕਦੇ ਹੋ। ਇਸ ਨੂੰ ਬੇਸਹਾਰਾ ਘਰੇਲੂ ਹਿੰਸਾ ਰਿਆਇਤ ਕਿਹਾ ਜਾਂਦਾ ਹੈ। ਤੁਸੀਂ ਸ਼ਾਇਦ ਘਰੇਲੂ ਹਿੰਸਾ ਰਹਿਣ ਲਈ ਅਨਿਸ਼ਚਿਤ ਮਿਆਦ ਦੀ ਇਜਾਜ਼ਤ ਦੇ ਨਿਯਮਾਂ ਦੇ ਤਹਿਤ ਸਥਾਈ ਵੀਜ਼ਾ ਲਈ ਅਰਜ਼ੀ ਵੀ ਦੇ ਸਕਦੇ ਹੋ। 

ਜੇਕਰ ਤੁਸੀਂ ਬੇਸਹਾਰਾ ਘਰੇਲੂ ਹਿੰਸਾ ਰਿਆਇਤ ਲਈ ਯੋਗ ਨਹੀਂ ਹੋ, ਤਾਂ ਤੁਸੀਂ ਸ਼ਾਇਦ ਪ੍ਰਵਾਸੀ ਪੀੜਤਾਂ ਲਈ ਸਹਾਇਤਾ ਸਕੀਮ ਤੱਕ ਪਹੁੰਚ ਕਰ ਸਕਦੇ ਹੋ। ਇਹ ਸਕੀਮ ਪ੍ਰਵਾਸੀ ਪੀੜਤਾਂ ਲਈ ਸੁਤੰਤਰ ਮਾਹਰ ਘਰੇਲੂ ਦੁਰਵਿਹਾਰ ਸੇਵਾਵਾਂ ਦੁਆਰਾ ਚਲਾਈ ਜਾਂਦੀ ਹੈ ਅਤੇ ਅਸਥਾਈ ਰਿਹਾਇਸ਼, ਭੋਜਨ, ਸਲਾਹ, ਕਾਨੂੰਨੀ ਸਹਾਇਤਾ ਅਤੇ ਇਮੀਗ੍ਰੇਸ਼ਨ ਅਤੇ ਸਮਾਜਿਕ ਦੇਖਭਾਲ ਸਲਾਹ ਪ੍ਰਦਾਨ ਕਰਦੀ ਹੈ। ਇਹ ਇਹਨਾਂ ਭਾਸ਼ਾਵਾਂ ਵਿੱਚ ਸਹਾਇਤਾ ਪ੍ਰਦਾਨ ਕਰਦੀ ਹੈ: ਅੰਗਰੇਜ਼ੀ, ਹਿੰਦੀ, ਪੰਜਾਬੀ, ਗੁਜਰਾਤੀ, ਬੰਗਾਲੀ ਅਤੇ ਉਰਦੂ ਅਤੇ ਹੋਰ ਭਾਸ਼ਾਵਾਂ ਲਈ ਦੁਭਾਸ਼ੀਏ ਬੁਲਾਏ ਜਾ ਸਕਦੇ ਹਨ। 

ਇੱਥੋਂ ਪਤਾ ਕਰੋ ਕਿ ਤੁਹਾਡੀ ਸਥਾਨਕ ਸਹਾਇਤਾ ਪ੍ਰਵਾਸੀ ਪੀੜਤ ਸਕੀਮ ਕਿੱਥੇ ਹੈ: https://southallblacksisters.org.uk/support-for-migrant-victims-scheme-smv-scheme/
 

ਜੇ ਤੁਸੀਂ ਕਿਸੇ ਅਜਿਹੀ ਸਥਿਤੀ ਬਾਰੇ ਸੋਚ ਸਕਦੇ ਹੋ ਜਦੋਂ ਤੁਹਾਡੇ ਵਿਹਾਰ ਨੇ ਕਿਸੇ ਨੂੰ ਠੇਸ ਪਹੁੰਚਾਈ ਹੈ, ਕੰਟਰੋਲ ਕੀਤਾ ਹੈ ਜਾਂ ਜ਼ਬਰਦਸਤੀ ਕੀਤੀ ਹੈ, ਤਾਂ ਆਪਣੇ ਨਾਲ ਇਮਾਨਦਾਰ ਬਣੋ। ਇਹ ਬਿਹਤਰੀ ਵਾਸਤੇ ਤਬਦੀਲੀ ਕਰਨ ਲਈ ਪਹਿਲਾ ਕਦਮ ਹੈ।

ਉਦਾਹਰਨ ਲਈ, ਕੀ ਤੁਸੀਂ ਕਦੇ:
 

• ਆਪਣੇ ਦੋਸਤਾਂ ਨੂੰ ਕਿਸੇ ਔਰਤ ਬਾਰੇ ਜਿਨਸੀ ਟਿੱਪਣੀਆਂ ਕੀਤੀਆਂ, ਜਾਂ ਤਾਂ ਉਸਦੇ ਸਾਹਮਣੇ, ਜਾਂ ਉਸਦੀ ਪਿੱਠ ਪਿੱਛੇ?
• ਕਿਸੇ ਔਰਤ ਨੂੰ ਸੰਕੇਤ ਦੇਣ ਵਾਲੀਆਂ ਟਿੱਪਣੀਆਂ ਕੀਤੀਆਂ ਜਦੋਂ ਉਹ ਸਪੱਸ਼ਟ ਤੌਰ 'ਤੇ ਅਣਚਾਹੀਆਂ ਸਨ?
• ਪਿੱਛਾ ਕੀਤਾ ਜਾਂ ਟ੍ਰੈਕ ਕੀਤਾ ਕਿ ਕੋਈ ਕਿੱਥੇ ਜਾ ਰਿਹਾ ਹੈ?
• ਕਿਸੇ ਔਰਤ (ਤੁਹਾਡੇ ਸਾਥੀ ਸਮੇਤ) 'ਤੇ ਸੈਕਸ ਕਰਨ ਲਈ ਦਬਾਅ ਪਾਇਆ?
• ਕੰਮ ਕਰਨ ਦੇ ਸਥਾਨ 'ਤੇ ਕਿਸੇ ਔਰਤ ਨੂੰ ਤੁਹਾਡੇ ਨਾਲ ਇਕੱਲੇ ਰਹਿਣ ਤੋਂ ਅਸਹਿਜ, ਪਰੇਸ਼ਾਨ ਜਾਂ ਡਰ ਮਹਿਸੂਸ ਕਰਾਇਆ?
• ਤੁਹਾਡੇ ਸਾਥੀ ਦੇ ਜਾਣੇ ਬਿਨਾਂ ਉਸ ਦੀ ਕੋਈ ਅੰਤਰੰਗ ਫੋਟੋ ਸਾਂਝੀ ਕੀਤੀ ਜਾਂ ਦਿਖਾਈ?
• ਵਾਰ-ਵਾਰ ਆਪਣੇ ਸਾਥੀ ਨੂੰ ਕਿਹਾ ਕਿ ਤੁਸੀਂ ਨਹੀਂ ਚਾਹੁੰਦੇ ਕਿ ਉਹ ਆਪਣੇ ਦੋਸਤਾਂ ਨਾਲ ਬਾਹਰ ਜਾਵੇ, ਜਾਂ ਉਸਨੂੰ ਦੱਸਿਆ ਕਿ ਉਸਨੂੰ ਕੀ ਪਹਿਨਣਾ ਜਾਂ ਨਹੀਂ ਪਹਿਨਣਾ ਚਾਹੀਦਾ ਹੈ?
• ਆਪਣੇ ਸਾਥੀ ਨੂੰ ਤੁਹਾਡੇ ਤੋਂ ਡਰੇ ਹੋਏ ਦੇਖਿਆ ਹੈ?

ਦੁਰਵਿਹਾਰ ਨੂੰ ਸਵੀਕਾਰ ਕਰਨਾ ਔਖਾ ਹੋ ਸਕਦਾ ਹੈ।

ਇਸ ਵਿਹਾਰ ਨੂੰ ਗਲਤ ਮੰਨ ਕੇ, ਤੁਸੀਂ ਜ਼ਿੰਮੇਵਾਰੀ ਲੈ ਰਹੇ ਹੋ ਅਤੇ ਬਦਲਣ ਦੀ ਚੋਣ ਕਰ ਰਹੇ ਹੋ।

ਤੁਸੀਂ ਕਿਵੇਂ ਬਦਲ ਸਕਦੇ ਹੋ?

• ਔਰਤਾਂ ਅਤੇ ਲੜਕੀਆਂ ਨੂੰ ਹਮੇਸ਼ਾ ਆਪਣੇ ਬਰਾਬਰ ਸਮਝੋ, ਨਾ ਕਿ ਕੰਟਰੋਲ ਕੀਤੇ ਜਾ ਸਕਣ ਵਾਲੇ ਲੋਕਾਂ ਵਜੋਂ।
• ਸਮਝੋ ਕਿ ਕੁਝ ਵਿਹਾਰ ਚੰਗੇ ਨਹੀਂ ਹੁੰਦੇ ਹਨ। ਉਦਾਹਰਨ ਲਈ, ਸੜਕ 'ਤੇ ਔਰਤਾਂ ਅਤੇ ਲੜਕੀਆਂ ਪ੍ਰਤੀ ਅਸ਼ਲੀਲ ਟਿੱਪਣੀਆਂ ਕਰਨਾ। ਤੁਸੀਂ ਸ਼ਾਇਦ ਸੋਚਦੇ ਹੋਵੋ ਕਿ ਇਹ ਗਲਤ ਨਹੀਂ ਹੈ, ਪਰ ਇਹ ਡਰਾਉਣਾ ਅਤੇ ਧਮਕਾਉਣ ਵਾਲਾ ਹੋ ਸਕਦਾ ਹੈ।
• ਔਰਤਾਂ ਅਤੇ ਕੁੜੀਆਂ ਨੂੰ ਸੜਕ 'ਤੇ, ਜਾਂ ਰੇਲ ਜਾਂ ਬੱਸ ਵਿੱਚ ਨਿੱਜਤਾ ਦਿਓ। ਔਰਤਾਂ ਅਕਸਰ ਜਨਤਕ ਥਾਵਾਂ 'ਤੇ ਲਗਾਤਾਰ ਚੌਕਸ ਰਹਿੰਦੀਆਂ ਹਨ, ਇਸ ਲਈ ਇਹ ਉਹਨਾਂ ਨੂੰ ਵਧੇਰੇ ਸੁਰੱਖਿਅਤ ਮਹਿਸੂਸ ਕਰਨ ਵਿੱਚ ਮਦਦ ਕਰ ਸਕਦਾ ਹੈ।
• ਇਹ ਨਾ ਸੋਚੋ ਕਿ ਤੁਸੀਂ ਸੈਕਸ ਦੇ ਹੱਕਦਾਰ ਹੋ - ਤੁਸੀਂ ਨਹੀਂ ਹੋ। ਬਿਨਾਂ ਸਹਿਮਤੀ ਦੇ ਸੈਕਸ ਕਰਨਾ ਜਿਨਸੀ ਹਮਲਾ ਜਾਂ ਬਲਾਤਕਾਰ ਹੁੰਦਾ ਹੈ। ਸਹਿਮਤੀ ਸਿਰਫ ਸਪਸ਼ਟ ਅਤੇ ਉਤਸ਼ਾਹੀ 'ਹਾਂ' ਨਾਲ ਹੀ ਦਿੱਤੀ ਜਾ ਸਕਦੀ ਹੈ। ਹੋਰ ਕੁਝ ਵੀ - ਚੁੱਪੀ ਸਮੇਤ - 'ਨਾ' ਹੁੰਦੀ ਹੈ ਜਿਸਦਾ ਸਤਿਕਾਰ ਕੀਤਾ ਜਾਣਾ ਚਾਹੀਦਾ ਹੈ।
• ਇਹ ਨਾ ਸੋਚੋ ਕਿ ਪੋਰਨੋਗ੍ਰਾਫੀ ਦੱਸਦੀ ਹੈ ਕਿ ਸੈਕਸ ਕਿਵੇਂ ਹੋਣਾ ਚਾਹੀਦਾ ਹੈ। ਜਿਵੇਂ ਫਿਲਮਾਂ ਅਸਲ ਜ਼ਿੰਦਗੀ ਨਹੀਂ ਹਨ, ਉਸੇ ਤਰ੍ਹਾਂ ਪੋਰਨੋਗ੍ਰਾਫੀ ਅਸਲ ਸੈਕਸ ਨਹੀਂ ਹੈ। ਇਹ ਅਕਸਰ ਆਪਸੀ ਸਹਿਮਤੀ ਜਾਂ ਸੰਚਾਰ ਤੋਂ ਬਿਨਾਂ, ਔਰਤਾਂ ਪ੍ਰਤੀ ਨੁਕਸਾਨਦੇਹ ਵਿਹਾਰ ਨੂੰ ਦਰਸਾਉਂਦਾ ਹੈ।

ਕਿਸੇ ਹੋਰ ਦੇ ਵਿਹਾਰ ਬਾਰੇ ਚਿੰਤਤ ਹੋ?

ਭੀੜ ਦੇ ਵਿਰੁੱਧ ਜਾਣਾ ਮੁਸ਼ਕਲ ਮਹਿਸੂਸ ਹੋ ਸਕਦਾ ਹੈ, ਪਰ ਅਜਿਹਾ ਕਰਨਾ ਸਹੀ ਗੱਲ ਹੈ। ਅਗਵਾਈ ਕਰਨ ਅਤੇ ਬੋਲਣ ਲਈ ਇੱਕ ਵਿਅਕਤੀ ਦੀ ਲੋੜ ਹੁੰਦੀ ਹੈ। ਉਹ ਵਿਅਕਤੀ ਬਣੋ।

ਜੇਕਰ ਤੁਹਾਡੇ ਬੱਚੇ ਹਨ

ਘਰੇਲੂ ਦੁਰਵਿਹਾਰ ਦਾ ਬੱਚਿਆਂ ਅਤੇ ਕਿਸ਼ੋਰਾਂ 'ਤੇ ਵਿਨਾਸ਼ਕਾਰੀ ਪ੍ਰਭਾਵ ਪੈ ਸਕਦਾ ਹੈ।
ਘਰੇਲੂ ਦੁਰਵਿਹਾਰ ਅਧਿਨਿਯਮ ਬੱਚਿਆਂ ਨੂੰ ਆਪਣੇ-ਆਪ ਵਿੱਚ ਘਰੇਲੂ ਦੁਰਵਿਹਾਰ ਦੇ ਪੀੜਤ ਵਜੋਂ ਮੰਨਦਾ ਹੈ ਜਿੱਥੇ ਉਹ ਦੁਰਵਿਹਾਰ ਦੇ ਦੇਖਦੇ, ਸੁਣਦੇ ਜਾਂ ਪ੍ਰਭਾਵਾਂ ਨੂੰ ਅਨੁਭਵ ਕਰਦੇ ਹਨ ਅਤੇ ਉਨ੍ਹਾਂ ਦਾ ਪੀੜਤ ਅਤੇ/ਜਾਂ ਦੁਰਵਿਹਾਰ ਕਰਨ ਵਾਲੇ ਨਾਲ ਰਿਸ਼ਤਾ ਹੁੰਦਾ ਹੈ।

ਆਪਣੇ ਬੱਚਿਆਂ ਨੂੰ ਇੱਕ-ਦੂਜੇ ਦਾ ਆਦਰ ਕਰਨਾ, ਹਾਨੀਕਾਰਕ ਵਿਹਾਰ ਦੇ ਵਿਰੁੱਧ ਖੜ੍ਹੇ ਹੋਣਾ ਅਤੇ ਸਹਿਮਤੀ ਦੇ ਮਹੱਤਵ ਨੂੰ ਸਮਝਾਉਣਾ ਸਿਖਾਓ।

ਤੁਸੀਂ ਇੱਕ ਬਿਹਤਰ ਸੰਸਾਰ ਵਿੱਚ ਵਧਣ ਵਿੱਚ ਉਹਨਾਂ ਦੀ ਮਦਦ ਕਰਨ ਲਈ ਆਪਣਾ ਯੋਗਦਾਨ ਪਾ ਸਕਦੇ ਹੋ।