خاطر خواہ ویب سائٹ خلاصہ

کسے نوں وی بدسلوکی دے خوف اچ نئیں رہنا چائیدا۔

آؤ سارے رل مل کے ایس تبدیلی دا حصہ بندے آں۔

زنانیاں تے کُڑیاں نوں محفوظ رکھن لئی ہر کوئی کجھ نہ کجھ کر سکدا اے۔

زنانیاں تے کُڑیاں بدسلوکی تے ہراسگی توں غیر متناسب طور تے متاثر ہوندیاں نیں۔

ایہہ ورقہ تہانوں وکھاندا اے کہ تسی ایس مسئلے توں نمٹن، تے نال ای متاثر ہون آلیاں لئی جانکاری تے معاونت فراہم کرن اچ کیس طرحاں مدد کر سکدے او۔

جے تہاڈے نال بدسلوکی یا زیادتی ہوئی اے تے ایہوجئی تنظیماں موجود نیں جیہڑی تہاڈی مدد کر سکدی نیں۔ ایہہ جذباتی مدد، عملی مدد، صحت دے متعلق مشورہ یا قانونی مدد ہو سکدی اے۔

کجھ لوکی جنہاں دے نال بدسلوکی ہوئی اے اوہ خوف، شرم یا الجھن محسوس کر سکدے نیں۔

کجھ فکر مند ہو سکدے نیں کہ اونہاں دی گل اتے یقین نئیں کیتا جاوے گا یا فکر کردے نیں کہ دوجے لوکی کی سوچن گے۔

کجھ لوکی اپنی کمیونٹی اچ کسے اتے الزام لان توں خوفزدہ ہو سکدے نیں تے ہو سکدا اے کہ پریشان ہون کہ اونہاں دے یا اونہاں دے خانداناں دے نال کی کجھ ہو سکدا اے۔

جو کجھ وی ہویا اے، ایہوجئے لوکی تے تنظیماں موجود نیں جیہڑے تہاڈی مدد کرنا چاہندے نیں۔

تہانوں کلیاں نمٹن دی لوڑ نئیں اے۔ کسے ہور نوں دسنا چنگا اے۔

ایہہ کوئی دوست، خاندانی رکن یا کوئی ایہوجیا بندہ ہو سکدا اے جیس اتے تہانوں اپنے برادری یا سماج اچ بھروسہ ہووے یا کوئی بندہ جیہڑا کہ کسے اعلیٰ عہدے اتے ہووے، جیویں کہ پولیس افسر یا ڈاکٹر۔ 

ایس صفحے تے درج تنظیماں تہاڈی زبان وچ مدد دیندیاں نیں۔

جے تسی گھریلو بدسلوکی دا سامنا کر رئی/رئے او تے تہانوں فوری مدد دی لوڑ اے، تے تسی شرکت کرن آلی فارمیسی اچ 'اے این آئی پچھو' بارے پچھ سکدی/سکدے او۔

جے کسی فارمیسی دے کول ڈسپلے اتے 'اے این آئی پچھو' دا لوگو اے تے ایس دا مطلب اے کہ وہ مدد لئی تیار اے۔ اوہ تہانوں اک سیف اسپیس (Safe Space) دی پیشکش کرن گے، اک فون فراہم کرن گے تے پچھن گے کہ تہانوں پولیس دی یا دوجے گھریلو بدسلوکی اچ معاونت دی سروس دی لوڑ اے۔

تہاڈی امیگریشن دی حیثیت توں قطع نظر، سبھ توں پہلاں تہاڈے نال اک متاثرہ زنانی/بندے دے طور تے سلوک کیتا جاوے گا۔

جدوں تہاڈے کول بیوی/شوہر یا پارٹنر دا ویزا اے تے تہانوں کوئی ایہوجیا رشتہ چھڈن دی لوڑ اے جیہدے اندر تہاڈے نال بدسلوکی ہو رئی اے تے تسی تین مہینیاں تائیں رہن لئی عارضی اجازت لئی درخواست دے سکدے/سکدی او، جیس نوں تسی یو کے اچ صحت دی دیکھ بھال، سماجی رہائش تے فائدیاں تائیں رسائی حاصل کرن لئی استعمال کر سکدے او۔ ایس نوں ڈیسٹیٹیوشن ڈومیسٹک وائلینس کنسیشن سدیا جاندا اے۔ تسی گھریلو تشدد دی غیر معینہ مدت تائیں رہن دے قائدیاں دے تحت مستقل ویزا لئی وی درخواست دے سکدے/سکدی او۔ 

جے تسی ڈیسٹیٹیوشن ڈومیسٹک وائلینس کنسیشن دے اہل نئیں او، تاں تسی سپورٹ فار مائِگرینٹس وکٹمز اسکیم تائیں رسائی حاصل کر سکدے/سکدی او۔ ایہہ اسکیم تارکین وطن دے متاثرین لئی آزادانہ گھریلو بدسلوکی دے امور دے ماہر دی سروسز دے ولوں چلائی جاندی اے تے عارضی رہائش، خوراک، مشاورت، قانونی مدد تے امیگریشن تے سماجی نگہداشت دا مشورہ فراہم کردی اے۔ ایہہ ایناں بولیاں اچ تعاون فراہم کردی اے: انگریزی، ہندی، پنجابی، گجراتی، بنگالی، تے اردو، تے دوجیاں بولی دے ترجماناں دی سروسز وی حاصل کیتی جا سکدیاں نیں۔

معلوم کرنا کہ تہاڈی مقامی سپورٹ مائِگرینٹس وکٹمز اسکیم کتھے اے، ایتھے دسیا گیا اے: 

https://southallblacksisters.org.uk/support-for-migrant-victims-scheme-smv-scheme/

جے تسی کسے ایہوجئی صورتحال دے بارے اچ سوچ سکدے او جدوں تہاڈے رویے نال کسے نوں تکلیف ہوئی ہووے، کنٹرول کیتا ہووے یا کسے نوں مجبور کیتا ہووے تے اپنے آپ نال ایماندار بنو۔ ایہہ بہتری دے ول تبدیلی لیان دا پہلا قدم اے۔

مثال دے طور تے، کی تسی کدے:

• اپنے دوستاں یا سجناں دے سمنڑے کسے زنانی دے بارے اچ جنسی تبصرے کیتے یا تے اوس دی موجودگی اچ، یا اوہدے پچھوں؟
• جدوں اوہ واضح طور تے ناپسندیدہ سن تے اک زنانی دے لئی تجویزی تبصرے کیتے سن؟
• کسے بندے/کڑی دا تعاقب کیتا یا سراغ لایا کہ اوہ کدر جا رئیا/رئی اے؟
• ایک زنانی (تہاڈی ساتھی سمیت) اتے جنسی تعلقات بنان لئی دباؤ دتا؟
• کم اتے کسے زنانی نوں اپنے کلے دی موجودگی دے کارن بے چین، پریشان یا خوفزدہ کیتا؟
• اپنے ساتھی نوں دسے بغیر اوس دی جنسی عمل دی تصویر دا سانجھا کیتا یا کسے نوں وکھائی؟
• اپنے ساتھی نوں بار بار دسیا کہ تسی نئیں چاہندے کہ اوہ اپنی سہیلیاں یا دوستاں نال باہر جاوے یا اوس نوں دسیا کہ اوس نوں کی پانا چائیدا تے کی نئیں؟
• اپنے ساتھی نوں آپ توں ڈردے ہوئیاں ویکھیا؟

بدسلوکی آلے رویہ دا اعتراف کرنا اوکھا ہو سکدا اے۔

اوس رویے نوں قبول کرنا غلط اے، تسی ذمہ واری لے رئے او تے تبدیلی دا انتخاب کر رئے او۔

تسی کیویں تبدیل کر سکدے او؟

• زنانیاں تے کڑیاں نوں ہمیشہ اپنے برابر سمجھو، نہ کہ اونہاں لوکاں دے طور تے جنہاں نوں کنٹرول کیتا جاوے۔
• ایہہ گل سمجھو کہ کجھ شیواں دی تعریف نئیں کیتی جاندی اے۔ مثال دے طور تے، سڑک تے زنانیاں تے کڑیاں دے بارے اچ جنسی طور اتے کھلے ڈلے تبصرے کرنا۔ ہو سکدا اے تہانوں ایہہ غلط نہ لگے، لیکن ایہہ گل ڈران آلی تے خوفناک ہو سکدی اے۔
• زنانیاں تے کڑیاں نوں سڑک اتے، یا ٹرین یا بس اچ آپنے آپ اچ رہن دیو۔ زنانیاں اکثر عوامی تھانواں اتے مسلسل چوکنا رہندیاں نیں، ایس لئی ایس توں اونہاں نوں محفوظ محسوس کرن اچ مدد مل سکدی اے۔
• ایہہ اپنے آپ فرض نہ کرو کہ تسی جنسی تعلقاتاں دے حقدار او - تسی نئیں او۔ رضامندی دے بغیر جنسی تعلق رکھنا جنسی حملہ یا عزت لٹنا اے۔ رضامندی صرف واضح تے پرجوش 'ہاں' دے نال دتی جا سکدی اے۔ کجھ وی ہور - بشمول خاموشی - اک 'نئیں' اے جیس دا احترام کرنا ضروری ہوندا اے۔
• ایہہ نہ سوچو کہ پورنوگرافی اچ جیویں دسیا جاندا اے، جنسی عمل اوس طرحاں ہونا چائیدا اے۔ جیویں فلماں حقیقی زندگی نئیں نیں، انج ای پورنوگرافی حقیقی سیکس نئیں اے۔ ایہہ زیادہ تر باہمی رضامندی یا گل بات دے بغیر زنانیاں دے نال نقصان دہ رویے نوں ظاہر کردا اے۔

کی کسے ہور دے رویے دے بارے اچ پریشان او؟

ہجوم دے خلاف جانا اوکھا محسوس ہو سکدا اے، پر انج کرنا درست اے۔ قیادت کرن تے بولن لئی اک بندے دی لوڑ ہوندی اے۔ اوہ بندہ بنو۔

جے تہاڈے بال نیں

گھریلو زیادتی بالاں تے نوعمر بندیاں/کڑیاں اتے تباہ کن اثرات پا سکدی اے۔

گھریلو بدسلوکی دا ایکٹ بالاں نوں اپنے طور اتے گھریلو زیادتی دے شکار دے طور تے تسلیم کردا اے جتھے اوہ بدسلوکی دے اثرات نوں ویکھدے، سندے یا تجربہ کردے نیں تے اونہاں دا تعلق متاثرہ فرد تے/یا بدسلوکی کرن آلے نال ہوندا اے۔

اپنے بالاں نوں اک دوجے دا احترام کرنا سکھاؤ، نقصان دہ رویاں دے خلاف کھڑے ہو جاؤ تے رضامندی دی اہمیت نوں سمجھاؤ۔

اک چنگی دنیا اچ پروان چڑھن اچ تسی اونہاں دی مدد کرن لئی اپنے حصے دا نکا جیا کم کر سکدے او۔